An Seachtar Stuama: Cá Bhfuil an Seachtar?

Aistriúchán go Gaeilge den tsraith The Secret Seven le hEnid Blyton. Tá sé leabhar i  sraith An Seachtar Stuama foilsithe ag Cló Iar-Chonnacht agus iad scríofa i nGaeilge bhreá nádúrtha ag meitheal aistritheoirí.

Is iad an deartháir agus deirfiúr Peadar agus Sinéad, agus a gcairde Jeaic, Cóil, Gearóid, Neansaí agus Bairbre an Seachtar Stuama (The Secret Seven) sna leaganacha Gaeilge. Le chéile is iadsan an Seachtar Stuama agus iad faoi réir chun mistéirí a réiteach, ag am ar bith in áit ar bith.

Sa leabhar seo, tugann an Seachtar cuairt ar theach taibhsí ach ní fada go bhfeictear dóibh nach bhfuil sé folamh mar a shíl siad. Is gearr go mbíonn siad sáinnithe taobh istigh! Cén chaoi a dtiocfaidh siad as? Is í Caitlín Ní Chualáin a d’aistrigh an leabhar seo go Gaeilge.