Casadh na Spride – Cnuasach Béaloidis ó Bhéal Átha an Ghaorthaidh, Contae Chorcaí

Cnuasach béaloidis ó Scoil na gCailíní agus Scoil na mBuachaillí,
Béal Átha an Ghaorthaidh, Contae Chorcaí – a bailíodh faoi Scéim na Scol
a reachtaigh Coimisiún Bhéaloideas Éireann 1937–1938.

I dtosach an fichiú haois bhí a lán athruithe ag teacht ar shaol na ndaoine in Éirinn,
agus go háirithe bhí athruithe a bhí bainteach le hoideachas agus an tionchar a bhí
aige sin ar an mbéaloideas. Bhí tionchar mór ag an mbunoideachas a cuireadh i
bhfeidhm le linn an naoú haois déag ar léamh agus ar scríobh agus taobh leo san
bhí gnáth-theanga na tíre ag malartú ó Ghaeilge go Béarla. Is chun cosc a chur ar
mheathlú an bhéaloidis a bunaíodh An Cumann le Béaloideas Éireann i 1926.