Description
Tiomsú é an bailiúchán seo d’fhocail agus de theilgin chainte an dlí a eascraíonn as breis agus tríocha bliain ag cleachtadh dlí le h-úsáid na Gaeilge san áireamh. Is cnuasach focal é a bailíodh thar na blianta ó fhoinsí éagsúla a thángthas orthu, neartaithe go mór ag liostaí a cuireadh ar fáil don údar ag Seán Ó Luing agus Pádraig Ua Maoileoin. Chomh maith leis sin, ar nós gach dlíodóir a phléann le Gaeilge, bhí, agus tá i gcónaí, muinín mhór i Téarmaí Dlí agus dár ndóigh Achtanna an Oireachtais – an méid atá ar fáil i nGaeilge.
