Description
Tá rian na drámaíochta ar phlota cliste an leabhair seo, rud a mbeifeá ag súil leis ó fhear a bhfuil cáil go forleathan air mar aisteoir i sobaldráma TG4, Ros na Rún. Is thar thrí ghlúin a thiteann an scéal eachtrach seo amach, a bhfuil an grá, an naimhdeas, an feall agus an dúnmhárú fite fuaite ann. Tá oiliúint le fáil sa leabhar chomh maith ar stair shóisialta Chonamara – ar lámh láidir na hEaglaise, ar an scoilt idir an uasaicme le Béarla agus gnáthmhuintir na Gaeltachta, agus ar bhád bán na himirce.
