Description
Bunús na bitheolaíochta agus léargas glinn ar an taobh istigh den cholainn dhaonna is ábhar don leabhar eolais seo a bhfuil samhail mhór thríthoiseach neadaithe ina lár. Is é bua an leabhair ná go dtugann sé le chéile blúirí eolais, léaráidí trasghearrtha agus samhail le hiomlánú a dhéanamh ar thuiscint agus fheasacht an dalta ar dhéantús agus ar oibriú an choirp: na scamhóga, an t-ae, an bhlaosc, an córas cnámharlaigh, an córas riospráide, an néarchóras, an córas díleá. De réir mar a chastar na leathanaigh fágtar cuid eile den cholainn gan chlúdach.
